Ockfener Ortschronik
Dietrich von Daun
Dietrich von Daun bekennt wegen der durch ihn erfolgten Niederschlagung des Aufstandes zu Ockfen weiter keine Ansprüche an Abt Wilhelm von St. Martin zu haben
7 Juli 1381
Ich Diderich van Dune, herre zu Bruch, dun kund allen luden und erkenne mit diesem briefe also, dass der erwirdiger herre her Wilhelm van gotz genaden abt zu sente Mertine zu Triere und ich uns samentlich vereinigt und verbunden han, umb uns gemein lude zu Ockfan zu twingen und zu dringen, die uns ungehorsam waren, uff unser beider koste und verlust, des han ich uff mins selbes kost und verlust van uns beiden wegen die vorgenante unsere lude unterstanden zu dringen und twingen uns gehorsam zu sin, und welcherleige koste, schaden und verluste ich und mine frunde, die ich uff dem ersten unde dar bracht und gefurt han, gelieden und gehabt han, der sagen ich vor mich und mine erben und alle dieghene, die mit mir in dem velde waren, den vorgenanten abt und sin gotzhuis und convent qwit, ledich und lois mit beheltenisse mir solches briefs, den ich van dem vorgeschriebenen abt han, als van des selben schaden und koste wegen der in siner volre macht verliberen sal, usgescheiden all argelist un geverde.
Des zu urkunde han ich min insiegel an diesen brief gehangen. Datum anno domini millesimo tricentesimo octuagesimo primo, dominica post Processi et Martinani.